تعويضات بيئية
تعويضات بيئية
التاريخ: 5-11-2009
ورد في صحيفة الرأي اليوم خبر بأن الأردن استلم 50 مليون دولار كدفعة ثانية من التعوضات البيئية عن حرب الخليج لتصل قيمة التعويضات التي استلمها الأردن 107 مليون دولار، وقال رئيس وحدة التعويضات البيئية أنه سيتم استلام المبلغ المتبقي من التعويضات المتفق عليها والمقدر ب 40 مليون دولار وأن وزارة البيئة انتهت من وضع الخطة المرحلية لتطبيق المشاريع البيئية التي تهدف إلى إعادة تأهيل البيئة البرية وتوفير فرص عمل لأهالي منطقة البادية الشرقية بالمملكة.
تأملت قليلاً ذلك الخبر فخطر ببالي التساؤلات التالية:
لدينا وحدة تعوضات بيئية؟؟!!
لماذا لم أكن أعلم قبل اليوم بأن حرب الخليج خلفت أضرار بيئية؟؟!!
هل تلك الأضرار البيئية كبيرة لدرجة أنها استحقت كل هذه التعويضات؟؟!!
منذ متى ونحن نطالب بهذه التعويضات؟؟!!
هل ستصبح البادية الشرقية لاس فيغاس الأردن؟؟!!
ماذا تعني كلمة تأهيل البيئة البرية؟؟!!
كم عدد سكان البادية الشرقية؟؟!!
هل من المحمتل أن نشهد هجرة من بعض أهالي عمان للسكن والعمل في البادية الشرقية ذات البيئة المؤهلة وفرص العمل؟؟!!
المدهش في الموضوع أن الكثيرين لم يعلموا بموضوع التعويضات إلا من خلالي والمدهش أكثر أن الغالبية من القراء سيقولون: طب شو مشكلتو الشب؟؟!!!
رجائي قواس
5 نوفمبر 2009 في الساعة 6:59 ص
كلها سواليف طرمه لا في اضرار بيئيه و لا عشره على الشجره…
بس يا ريت يخف العجز في الميزانيه بنص هاي المبالغ
يا جماعة التعويضات البييه ..هههههههههههه
5 نوفمبر 2009 في الساعة 8:09 ص
والله شي مذهل .. يعني افهم من الكلام انه لو فرضنا 4مليون من يحمل الجنسية الاردنية يعني ذلك ان كل مواطن سوف ياخذ 27 دولار بدلا عن صحته ولكن لم ياخذ المواطن شيء … واحيانا قد يتمنى البعض حدوث مصائب اكبر لتزداد نسبة التعويضات ويستفيد الوزراء وتتحسن اوضاعهم لانهم والله يعانوا من الغلا وارتفاع اسعار رفاهيات الحياة…الشعب الاردني وكل من يحمل الجنسية الاردنية من المواطنين المسالمين فعلا يستحق التكريم لانه فعلا متحمل مسؤوليات ومصاريف الوزراء والنواب المناضلين في مص دماء المواطنين .. واخيرا ادام الله لنا الاردن من افضل الى افضل فهذا مانريد
5 نوفمبر 2009 في الساعة 8:39 ص
معلش اخ رجائي سؤال بسيط
سكان الباديه الشرقيه ما بيستحقو ينصرف عليهم مبلغ من ال40 مليون دولار المصروفه الهم؟؟
معلش بس اذا انت مستكثر ال40 مليون دولار على اساس انه الباديه الشرقيه رح تصير من ورا هالمبلغ لاس فيجاس الاردن
فخليني اقولك انه بكازينو واحد من كازينوهات لاس فيجاس بجيب مبلغ زي هيك بليله واحده
ولا عشان هذيك صحراء نيفادا انت قارنتها بصحراء الاردن
اه صح نسيت…
انت شو مشكلتك ابو الشباب؟؟
5 نوفمبر 2009 في الساعة 10:36 ص
هو بتعرف انا سمعت بالخبر اليوم الصبح على أمن اف أم طبعا مشنها الأقرب الى قلب المواطن مش اكثر..عاد كنت نعسان وراجع أكمل نومتي
اما قصة هالتعويضات ابصر عاد انا بحطش بذمتي..
بس بدي اضيف انا سؤال لقائمتك.
احنا ليش اذا تخوزقنا منسأل واذا اجتنا رزقه منسأل؟
5 نوفمبر 2009 في الساعة 11:56 ص
besara7a ana d7eket lamma qara2et el maodoo3 bs ma3ak 7a2 ….MODHESH!!!!
6 نوفمبر 2009 في الساعة 8:25 ص
تساؤلاتك:
-نعم لدينا
-لأننو ما حدا حكا بموضوع الحرب بالمره
-التعويضات قليله والاضرار زيها
-مش زمان
-ورا يمكن
-زراعة شوك نادر
-سؤال مسقع
-بشتغلوا هناك بس ما بسكنوا
.. يا رجائي لازم تسأل: احنا تعويضنا 50 مليون والدول الاجنبيه 43 مليار ؟؟
ما بدنا مصاري حدا ويحسبوها علينا
10 نوفمبر 2009 في الساعة 3:34 ص
طيب انت فعلا شو مشكلتك؟؟
خلينا نوخد تعويضات و نساعد البلد الله يعنها ال؟؟؟؟
13 نوفمبر 2009 في الساعة 2:18 م
مشيها هالمرة مش ضروري تصيد بالمية العكرة خلي الكروش تشبع حرام عليك
17 نوفمبر 2009 في الساعة 5:27 ص
كله حكي فاضي كله رح يروح ولا نشوف منه شي لا تأهيل ولا فرص عمل..و كلمة لأيد حباشنة انت اللي شو مشكلتك ما قصد شي لما حكي عن البادية و لو أعطوهم تبعون البادية ال 50 مليون شو رح يعملو فيها دخلك خيو..